Errezetak

Errezeta honekin ez duzu etxetik atera beharko taloa jateko, zure sukaldean bertan prestatuko baituzu.

Osagaiak:

Taloa egiteko:

• Arto irina, 350 g (+ beste 50 g, gero luzatzeko)
• Ur epela, 250 ml
• Gatz pixka bat

Gainerakoak:

• Txistorra, 200 g
• Behi-gazta, 100 g
• 4 arrautza
• Olioa
• Gatza

 Prestaketa:

1. Arto irinari gatza gehitu. Pixkanaka ura gehitu eta ondo nahastu orea eginez.
2. Orea 30 minutuz bere horretan utzi.
3. Txistorra zatitu.
4. Zartaginean olio tanta bat bota eta txistorra zatiak bertan frijitu.
5. Zapi umel baten gainean ore bolak egin eta ondo zabaldu.
6. Ondoren, zartaginean pare bat buelta eman.
7. Labea piztu 160 gradutan.
8. Labeko erretilu batean taloak jarri, txistorra zatiak gainean jarri eta gazta zatiak gehitu.
9. Eta laberatu.
10. Amaitzeko, arrautza pare bat frijitu eta taloak labetik atera.

Info +

• Errezetaren bideoaren jatorria: TXORIENE (ETB).